Ginanunsyo sang Bureau of Corrections (BuCor) nga pagahiwaton sa Puerto Princesa, Palawan, ang ika-2 ASEAN Regional Correctional Conference nga magasugod sa Pebrero 14 tubtob 17, 2025.
Ang nasambit nga aktibidad ang may tema “Shaping the Future of Corrections Together,” kung sa diin magatililipon kaupod ang mga leader nagikan sa mga
correctional services sang ASEAN agud hinalaan ang mga pagtilaw sa sistema sang presohan, magapakigbahin sang mga ihibalo agud mabuligan ang pagpaayo sang correctional systems sa rehiyon.
Suno kay BuCor Director General Gregorio Pio Catapang Jr., kalakip sa mga pagatalakayon sa summit ang mga judgement ukon kaso agud mabuhinan ang numero sang mga preso, mga programa sa rehabilition para sa madinalag-on nga reintegration sang mga inmate sa sosyudad, digital transformation sa pagdumala sang presohan, kag pagpaayo sang dokumentasyon kag pagbayluhanay sang datos para sa mas klaro kag epektibo nga sistema.
Magluwas sa mga tiglawas nagikan sa 10 ka pungsod ukon ASEAN, magatambong man ang mga ambassador nagikan sa indi magnubo sa 28 global organization kaangay sang United Nations Office on Drugs and Crime, International Committee of the Red Cross, at European Union’s Justice Sector Reform Program.
Ini na ang una nga tion nga magahost ang Pilipinas sa nasambit nga conference.
