Nagpaandam ang International Monetary Fund (IMF) nga posible magluya ang ekonomiya sang Pilipinas kadungan sang pagtaas sang inflation bangud sa tensyon sa Middle East.
Sa pinakaulihi nga World Economic Outlook, ginpanubo sang IMF ang 2026 nga pag-uswag sang pungsod halin sa 5.6% pakadto sa 4.1%, isa sa pinakadaku nga pagbuhin sa rehiyon.
Suno sa International Monetary Fund, ang paghinay tuga sang mga external shocks kag vulnerabilities sa sulod sang ekonomiya, lakip ang manubo nga public investment kag nagaluya nga pagsalig sa negosyo.
Dugang pa, ang turismo kag mga remittances ginalauman nga maapektuhan bangud global instability, nga magapaluya sang domestic demand.
Kadungan sini, ang inflation mahimo nga magtaas sa 4.3% subong nga 2026, nga lagpas sa target sang Bangko Sentral ng Pilipinas nga 2% tubtob 4%, antes magbalik sa target band sa masunod nga mga tinuig.
