Nadomina sang men’s tennis team sang pungsod ang Mongolia sa pagsugod pa lamang sang Davis Cup nga ginpatigayon sa Bahrain.
Nakuha sang Pilipnas ang 3-0 nga record kung sa diin isa ka maayo nga pagsugod matapos ang apat ka tuig nga pagpahuway sa torneo.
Nagpanguna si Eric Jed Olivarez Jr sa first singles nga ginlutos si Sonompuntsag Enkhjargal, sa iskor nga 6-0, 6-0.
Nangin madinalag-on naman si Alberto Lim batuk kay Undrakh Purdevdorj sa puntos nga 6-1, 6-3.
Samtang, wala naman nagpaulihi sa doubles sanday Ruben Gonzalez kag Francis Alcantara kung sa diin naka-amot sang 6-1, 6-0 batuk kanday Tenuun Oyunbold kag Zolbadar Urnukh.
Sa karun yara na sa Group V ang Pilipinas kung sa diin sulod na top 2 sa 15 nga pungsod nga makaderitso sa Group IV promotion.
Kaupod sang Pilipinas sa Group V ang mga pungsod Bahrain, Bangladesh, Bhutan, Brunei, Guam, Laos, Macau, Maldives, Mongolia, Nepal, Pacific Oceania, Tajikstan, Turkmenistan, kag pungsod Yemen.
