Nagapabilin sa gihapon sa ika anum nga pwesto ang Pilipinas sa nagapadayon nga 33rd SEA Games sa Thailand sa pinakaulihi nga medal tally kahapon nga adlaw.
Ang Team Philippines nakarekord sang 26 ka gold, 41 ka silver kag 83 ka bronze medals para sa kabug-usan nga 150 ka medalya, isa ka indikasyon sang padayon nga performance sa nagkalain-lain nga sports events.
Nagapanguna sa gihapon ang host country nga Thailand nga may 151 ka Gold, 91 ka silver kag 64 ka Bronze para sa kabug-usan nga 306 ka medalya, samtang ang Indonesia ang yara sa ikaduwa nga pwesto nga may 59 ka gold, 69 ka silver, kag 65 ka bronze.
Yara naman sa ikatatlo nga pwesto ang Vietnam, nga may 41 ka Gold, 50 ka silver, kag 74 ka Bronze.
Nakuha naman sang Singapore ang ikaapat nga pwesto nga may 34 ka Gold, 33 ka Silver kag 42 ka Bronze.
Nagpanglima naman ang Malaysia nga may yara sang 28 ka gold, 30 ka silver, kag 82 ka bronze.
Nagapabilin sa gihapon nga mataas ang pagsalig sang delegasyon sang Pilipinas sa paglaum nga makadugang pa sang mga medalya sa masunod nga mga inadlaw sang kompetisyon.
