Nagnubo ang ranking sang Pilipinas sa nagapadyon nga 33rd SEA Games sa Thailand matapos nga nagpaidalom sa ika-anom nga pwesto sa pinakaulihi nga medal tally kahapon nga adlaw.
Ang Team Philippines nakarekord sang 16 ka gold, 23 ka silver kag 55 ka bronze medals para sa kabug-usan nga 94 ka medalya, isa ka indikasyon sang padayon nga performance sa nagkalain-lain nga sports events.
Nagapanguna sa gihapon ang host country nga Thailand nga may 104 ka Gold, 66 ka silver kag 38 ka Bronze para sa kabug-usan nga 208 ka medalya, samtang ang Indonesia ang yara sa ikaduwa nga pwesto nga may 35 ka gold, 50 ka silver, kag 42 ka bronze.
Yara naman sa ikatatlo nga pwesto ang Vietnam, nga may 31 ka Gold, 30 ka silver, kag 57 ka Bronze.
Nakuha naman sang Singapore ang ikaapat nga pwesto nga may 19 ka Gold, 19 ka Silver kag 26 ka Bronze.
Nagpanglima naman ang Malaysia nga may yara sang 17 ka gold, 16 ka silver, kag 56 ka bronze.
Samtang, ang Myanmar ang yara sa ika-pito nga pwesto nga may 2 ka Gold, 12 ka Silver kag 17 ka Bronze.
Yara naman sa Ika-walo nga pwesto ang Lao PDR nga may 2 ka Gold, 3 ka Silver kag 13 ka Bronze medal.
Samtang, yara naman sa ika-syam nga puwesto ang Brunie nga may 2 ka silver kag 4 ka Bronze medal.
Yara naman sa katapusan nga pwesto ang Timor-Leste nga may 2 ka bronze medal.
Nagapabilin sa gihapon nga mataas ang pagsalig sang delegasyon sang Pilipinas sa paglaum nga makadugang pa sang mga medalya sa masunod nga mga inadlaw sang kompetisyon.
