Pilipinas napaslawan sa kamot sang Thailand 3-1

Napaslawan ang Philippine Men’s National Football Team sa kamot sang Thailand 3-1 sa leg 2 sang semifinals sang 2024 ASEAN Mitsubishi Electric Cup.

Nagmadinalag-on ang Thailand nga 4-3 aggregate kun sa diin maka-atubang nila ang Vietnam para sa titulo.

Nagpalab-ot pa sa 120 ka minutos ang hampang apang ginpamatud-an sang Thai War Elephant ang ila home court advantage.

Si Bjorn Kristensen ang nag-iskor sang goal para sa Pilipinas sa sulod sang 84 minutos.

Ang kadalag-an daw kaangay nga pagbangon sang Thailand matapos ginlutos sila sang Pilipinas sini nga Biernes nga amo ang makasaysayan nga kadalag-an sang Men’s Football sa sulod sang 52 ka tuig.