Mga tricycle driver sa Roxas City,  dako nga bulig sa ila ang rollback sa presyo sang gatong

Dako nga bulig para sa mga tricycle driver sa Roxas City ang rollback sa presyo sang gatong.

Sa interview sang Bombo Radyo kay tricycle driver Allan Farnazo, iya ginpahayag nga nag-ayo ang ila kita sa subong bangud man nga nagnubo ang presyo sang gatong.

Suno kay Farnazo, nagasunod sila sa insakto nga taripa sang pletehan kag nagapasalamat ini sa mga pasahero nga nagahatag sang sobra nga plete.

Nagalaum ang mga tricycle driver sa Roxas City nga padayon pa ang pagnubo sang presyo sang gatong agud mas mapahagan-hagan sa ila adlaw-adlaw nga pagbyahe.