Opisyal na nga ginkilala sang World Bank ang Pilipinas bilang upper-middle-income nga pungsod matapos nga naglab-ot sa 4,850 US dollars ang gross national income (GNI) per capital sang pungsod, mas mataas sa gintalana nga threshold nga 4,636 US dollars.
Suno sa Department of Economy, Planning, and Development, resulta ini sang padayon nga pag-uswag sang ekonomiya, maayo nga pagdumala, kag mga reporma nga ginapatuman sang gobyerno. Ang gross domestic product sang pungsod nagtubo man sang average nga 5.8 porsyento halin 2021 tubtob 2025.
Suno kay Department of Economy, Planning, and Development Sec. Arsenio Balisacan, ini ang ginalauman nga makapabaskog sang pagsalig sang mga manugpuhunan kag makatuga sang dugang nga trabaho para sa mga Pilipino.
Apisar nga mahimo mabuhinana ang pila ka low-interest development loans, ginpanindugan ni Balisacan nga mas dako ang benepisyo sini sa ekonomiya.
Tuyo sa gihapon suno sa iya sang gobyerno nga masiguro nga mabatyagan sang tanan nga Pilipino ang mga bunga sang padayon nga pag-uswag sang pungsod.
