Pormal na nga ginpirmahan sang Pilipinas ang United Nations Convention against Cybercrime, isa ka internasyunal nga kasugtanan nga nagatuyo sa pagpabaskog sang kooperasyon sa tunga sang mga pungsod sa pagpakig-away sa mga krimen sa digital word kag mapatigayon ang cross-border sharing sang electronic evidence.
Isa man ini ka makasaysayan nga kasugtanan bangud ginakilala sini sa una nga tion ang non-consensual distribution sang intimate images bilang isa ka sahi sang cybercrime.
Nagtambong sa pagpirma si Department of Information and Communications Technology (DICT) Secretary Henry Aguda, nga nagrepresentar sa Pilipinas sa convention nga ginhiwat sang Oktubre 25-26 sa Ha Noi, Vietnam.
Suno sa Department of Information and Communications Technology (DICT), ginduso sang Pilipinas ang mas hugot nga proteksyon para sa mga pamatan-on nga nagagamit sang internet, subong man dugang nga technical assistance para sa mga developing countries.
Ginhatagan pagtamod sa convention ang nagkalainlain nga aspeto sangaspeto ng cyber offenses,, pagpaambit sang electronic evidence,kag ang pagtukod sang 24/7 international cooperation mechanism agud mapadasig sa ang pagsabat sa mga insidente sang cybercrime.
Kadungan sini, ginpahanumdom man sang Department of Information and Communications Technology (DICT)nga padayon ang pagpabaskog sang cyber resilience sang pungsod pinaagi sa mga programa kasubong sang Oplan Cyberdome kag Oplan Paskong Sigurado nga nagasentro sa proactive cyber defense kag pagpasanyog sang ihibalo batok sa mga online scam kag cybercrimes.
