Nagnubo ang ranking sang Filipina tennis star nga si Alex Eala sa Womens Tennis Association (WTA).
Sa pinakaulihi nga WTA rankings nga ginpaguwa, yara siya sa ika-69 nga pwesto gikan sa nagligad nga ika-56.
Ang nasambit nga pagnubo sa ranggo mahimo nga naapektuhan sang iya halos isa ka bulan nga wala nagahampang pagkatapos sang iya mga kampanya sa European clay kag grass.
Suno sa 20-anyos nga si Eala, natalana siya nga maghampang sa National Bank Open sa Montreal, Canada nga magasugod sa Hulyo 26 tubtob Agosto 7.
Ang National Bank Open ang maga-feature sang mga sikat nga tennis players kaangay nanday Aryna Sabalenka sang Russia, Coco Gauff kag Jessica Pegula sang US kag madamo pa nga iban.
Ini ang magaserbe nga preparasyon ni Eala sa iya palaabuton nga partisipasyon sa US Open nga magasugod sa Agosto 24 tubtub Setyembre 7 sa New York.
