Magakinahanglan ang Saudi Arabia sang mga skilled nga Filipino workers.
Sa fairwell call ni Saudi Arabia Ambassador Hisham Sultan Abdullah Alqahtani kay President Ferdinand Marcos Jr., nagpasalamat ini bangud sa pagbaton kag ginlaragway nga isa ka kadalag-an ang pagtinir sa Pilipinas sa sulod sang tatlo kag tunga sa tuig bilang ambassador.
Malipayon man nga ginbalita ni Alqahtani nga bangud maga-host sang World Cup ang Saudi Arabia sa 2030, magakinahanglan ang kaharian sang Saudi Arabia sang mga skilled nga mamumugon nga Pilipino.
Partikular sa mga proyekto nga mega sa Jeddah kag naaminhan sang Saudi Arabia, kasubong sang Red Sea kag mga rail kag line projects.
Suno naman kay President Marcos, mahimo nila nga ipadala ang mga mamumugon tubtob may bastante nga pondo kag labor force ang Pilipinas.
Apisar suno kay Marcos nga may tuman nga kompetisyon sa bug-os nga kalibutan, abanse sa gihapon ang mga Pilipino bilang mga mamumugon. Sa mga pinakaulihi nga datos, may halos isa ka million nga Pilipino nga nagaisatar ukon nagatrabaho sa Saudi Arabia.
