Nagalaom ang pipila ka mga pumuluyo sang Roxas City nga pagatalakayon ni President Ferdinand Marcos Jr., sa iya nga State of the Nation Address (SONA) subong nga adlaw ang mga programa nga makabulig sa pangabuhi sang ordinaryo nga mga Pilipino.
Sa interview sang Bombo Radyo kay Teresita Devila,residente sang Roxas City kag vendor, iya ginpahayag nagakadapat may yara man sang inisyatibo ang gobyerno nga makahatag sang dugang nga suporta kag oportunidad sa magagmay nga nga vendors.
Suno kay Devila, ang pagbulig sa mga vendors kag sa iban pa nga magagmay nga negosyo ang magadala sang pagpaayo sang ekonomiya kag kabuhi sang madamo nga mga pamilya.
Nagapati man ini nga ang mga programa nga para sa ikaayo sang pungsod kag sa mga Pilipino dapat nga padayon nga ega-prioridad sang gobyerno.
