Nagbaskog ang Philippine peso kontra US dollar sa ika-4 nga sunod nga trading day sini nga Lunes.
Ang local currency ang nagbaskog sang 18 centavos agud magsarado sa P57.9:$1 halin sa P58.08:$1 sadtong Biyernes.
Kapareho ini sa pagsarado sadtong Mayo 20 kag ang best performance humalin sadtong Mayo 17 sang nagsara ang piso sa P57.62:$1.
Ang pagbaskog sang piso sining tinalikdan nga Lunes ang kasunod sang paghina sang dolyar kontra major global currencies sa tunga sang pagbaskog sang Japanese currency sa masobra seven-month highs.
Suno kay Ricafort, nagresulta ini sa pagbaskog sang iban pa nga currencies sa Southeast Asia kag sa Asia sa kabug-usan, kalakip ang piso.
Ang paghina sang dolyar ang sa tunga man sang profit taking sa American tech shares sa nakaligad nga tatlo ka semana, sang soft employment data sa US, kag sang iban pa nga economic releases nga nagakahulugan sang pamahog sang recession.
