Posible nga mag-untat ang padayon nga pagnubo sang Philippine peso kag maghulag sa iya ‘narrow range’ matapos nga nagnubo ang panibag-o nga record low.
Suno kay Rosemarie Edillon, Undersecretary sang Department of Economy, Planning, and Development (DEPDev), ginalauman nila ang “some sideways movement” sang piso sang Pilipinas subong nga tuig.
Buot silingon, ang piso mahimo nga magtaas kag magnubo, apang ang pagnubo indi padayon ukon may mabaskog nga rebound.
Dugang pa niya, daku ang mangin epekto sang trend sa Estados Unidos sa direksyon sang peso.
Pahayag pa ni Edillon, indi pa sigurado ang merkado kon paano i-interpret ang bag-o lang nga mga lihok sang US.
Nahibaluan nga nagsirado ang piso sa manubo nga P59.355 kumpara sa dolyar sang Miyerkules.
Sa masunod nga pila ka adlaw, ginalauman ni Edillon nga ang iban nga mga manugpuhunan magahulat antes maghimo sang aksyon.
