Pison, nasunog sa banwa sang President Roxas

ROXAS CITY – Ginabulubanta nga kapin P3 million ang nangin kahalitan sang pagkasunog sang isa ka Pison sa Sitio Bon-bon, Barangay Ibaca, President Roxas, Capiz.

Ginpahayag ni FO2 Aron Dasig, Chief Arson Investigator sang Bureau of Fire Protection President Roxas, nga nagsugod ang sunog mga ala-1:58 sa kaaganhon sang Domingo.

Madasig man nga napalong ang kalayo kag gindeklarar nga fire out alas-2:28 sa amu man nga kaaganhon.

Wala man sang napilasan kag nadalahig nga mga equipment sa lugar.

Padayon sa karon nga ginahibalo sang mga katapo sang bumbero ang gintunaan sang sunog.