Indi ini isa ka tawo kundi isa ka pispis nga nagadala sang isda nga ginapatihan nagtuga sang sunog sa isa ka hilamon sa nakatundan nga bahin sang Canada.
Suno sa Ashcroft, British Columbia fire department, nakakita sila sang isda pagkatapos nga nagresponde sa mabaskog nga sunog mga anum ka kilometro sa bagatnan sang banwa.
Nagapati ang mga bombero nga isa ka osprey ang nagdala sang isda halin sa pinakamalapit nga suba nga tatlo ka kilometro ang kalayuon.
Suno sa ila, posible nga ginbuy-an sang osprey ang isda nga sa baylo nagbunggo sa linya sang kuryente nga nagtuga sang kalayo sang uga nga hilamon sa lugar.
Nag-joke ang departamento, mahimo nga natak-an na ang pispis bangud sa sobra nga kainit sang panahon ukon mahimo nga natak-an na ini sa pagkaon sang hilaw nga isda.
Ang isda nasunog sang grabe pagkatapos sang insidente apang wala sang napilasan nga osprey, suno sa departamento sang bombero sang Ashcroft. Napalong ang kalayo nga wala na sang dugang nga insidente.
