PISTON-Capiz, nagapangampo sa padayon nga pagsaka sang presyo sang gatong

Nagapangampo ang transport group nga Pinagkaisang Samahan ng mga Tsuper at Operator Nationwide ukon PISTON-Capiz bangud sa padayon nga pagsaka sang presyo sang gatong.

Sa interview sang Bombo Radyo kay Joebert Carandang, chairman sang amo nga grupo, iya ginpahayag nga apektado gid ang transport sector bangud sa matumal nga kita.

Suno kay Carandang, bangud sa maiwat nga kita sang tagsa ka driver nga halos indi na makasustener sang ila pang-adlaw-adlaw nga pagpangabuhi, gani ginpili na lang sang iban nga mga driver nga mag-untat sa pagbyahe.

Nagapanawagan ang grupo sa gobyerno nga suspindihon ang excise tax sa produktong petrolyo kag ibalik sa 55 pesos sa kada litro ang presyo sang gatong agud mabuligan ang mga driver kag operator.