ROXAS CITY – Arestado ang pito ka mga former kag incumbent barangay officials matapos nga ginserbihan sang warrant of arrest sang Criminal Investigation and Detection Group (CIDG-Capiz) sa separado nga lugar sa probinsya sang Capiz.
Ginkilala ang mga arestado nga sanday Jose Bonnie Villanueva anay punong barangay, apat ka mga anay barangay kagawad Jose Dadivas, Geovanie Baria, Armando Gimanel, Wendell Buenvenida kag duha ka mga incumbent barangay kagawad Lourdes Vergara kag Renita Baria sang Barangay Manapao Pontevedra, Capiz.
Kaso nga Falsification by Public Officer or Employee ang ginapangatubang sang mga arestado sa diin ang warrant of arrest gin-issue kag ginpirmahan ni Judge Alma Banias Delfin, presiding Judge 6th Judicial Region RTC branch 15 nga napetsahan sang Hunyo 3, 2019 sa diin may ginrekomendar nga pyansa ang korte nga 24 mil pesos para sa temporaryo nga kahilwayan sang mga akusado.
Sa karon, yara na sa kostodiya sang CIDG-Capiz ang mga akusado.
