ROXAS CITY – Gintalakay sa sesyon sang Sangguniang Panlalawigan ang plano nga pagpatukod sang University of the Philippines (UP) Capiz Campus.
Mahibaluan nga ang proposal ang naghalin sa University of the Philippines Alumni Association Capiz Chapter (UPCCAA).
Ini ang ginpaagi sa talatapan ni Governor Esteban Evan ‘Nonoy’ Contreras nga nagahinyo sa SP nga hatagan sang otoridad ang gobernador nga magsulod kag magpirma sang isa ka Memorandum of Agreement (MOA) natuhoy sa amo nga plano.
Kabahin sang nasambit nga kasugtanan ang paghatag sang gobyerno-probinsiyal sang P2 milyones bilang bulig sa pagpatukod sang UP building sa Pueblo de Panay, Barangay Lawaan, Roxas City.
Ginasigahom nga ang pagpatukod sang nasambit nga buluthuan ang makabulig sa pagpasanyog sa kalidad sang edukasyon sa probinsiya.
