May pasaka sa plete sang mga tricycle sa Barangay Libas, Roxas City, kasunod sang padayon nga pagsaka sang presyo sang gatong.
Sa interview sang Bombo Radyo kay Joseph Soberano, spokesperson sang Roxas City Tricycle Operators & Drivers Association, iya ginpahayag nga ang regular nga plete amo na ang ₱25.00 para sa una nga duha ka kilometro kag may dugang nga ₱5.00 sa kada masunod nga kilometro.
Samtang ang discounted fare para sa mga estudyante, senior citizens kag persons with disability amo ang ₱20.00 sa una nga duha ka kilometro kag dugang ₱5.00 sa kada masunod nga kilometro.
Suno kay Soberano, bangud sa padayon nga pagsaka sang presyo sang gatong, tunga na sang mga tricycle driver sa ila asosasyon ang nag-untat anay sa pagbyahe.
Ginpahayag man sini nga ang amo nga pagtaas sang plete nakabase sa Ordinance No. 024-2024 sang syudad nga bag-o lang nila ginpatuman agud makapihan-pihan sa padayon nga pagsaka sang presyo sang gatong.
