Ginpasalig sang Philippine National Police (PNP) nga preparado na ang ila hanay para sa palaabuton nga eleksyon sa Mayo 12.
Suno kay PNP Chief PGen. Rommel Francisco Marbil, available ang tanan nga police officers kag 100% nakahanda na sa pagmentinar sang katawhay sa mga voting centers sa sina nga adlaw.
Suno kay Marbil, lakip man siya sa mga i-deploy para sa eleksyon kag maga-umpisa na ang ila full alert subong nga adlaw, Mayo 3, siyam ka adlaw antes ang botohan sang national kag local elections.
Samtang, 80% naman sang mga magabulig sa pagtukod sang katawhay sa Bangsamoro Autonomous Region in Muslim Mindanao (BARMM) ang handa na sa karon sa mga lugar sa sini nga bahin.
Ginpasalig man ni Marbil nga ang eleksyon subong nga tuig mangin pinakamatawhay kun ipaanggid sa mga nakaligad nga eleksyon sang nagligad nga mga tinuig.
