Aminado ang Philippine National Police (PNP) nga sadtong tion sang anti-illegal drug campaign may mga pag-abuso ukon may mga kapulisan nga nagtalang ang panindugan.
Suno kay PNP Spokesperson Col. Jean Fajardo, nakasuhan na kag nakakas sa serbisyo ang amu nga mga uniformed personnel.
Ini ang ginsiling ni Fajardo kadungan sang alegasyon ni Lt. Col. Jovie Espenido sa isa ka hearing sa House quad committee nga ang PNP isa ka “biggest crime group” sa Pilipinas.
Dugang pa sini nga magahatag sila sang tion agud klaruhon ni Espenido kung ang ginatumod sini sadtong nakaligad nga liderato bangud nadismaya suno diri ang iya label ilabi na sa kapulisan nga nagatrabaho sang tampad.
Kadunga sini ginsiling ni Fajardo nga sa termino subong ni PNP Chief Police General Rommel Francisco Marbil, wala na sang paindis-indis sa pagpangdakop kontra ilegal nga droga agud lamang magtaas ang performance evaluation rating sang isa ka pulis.
Sa baylo, ginasentro sini ang ila kampanya sa ‘holistic approach’, indi lamang sa supply reduction sang droga kundi sa demand reduction.
