-- ADVERTISEMENT --
Isa ka adlaw bag-o ang pagtakop sang pag-file sang Certificate of Candidacy (COC) para sa 2025 midterm elections, ginmandu ni Philippine National Police (PNP) Chief PGen. Rommel Francisco Marbil ang pagpaigting sang pagbantay batuk sa mga armado nga grupo.
Suno kay Gen. Marbil, posible nga maghimo ang mga ini sang gamo sa palaabuton nga eleksyon.
Ginmanduan na man ni Marbil ang mga police unit sa pungsod nga pabaskugon ang ila security operations ilabi na sa mga traditional election hotspots.
kalakip na diri ang pagpahamtang sang strategic checkpoints kag pagpabaskog sang intelligence monitoring.
Liwat man nga ginpaandaman sang PNP Chief ang mga pulis nga magpabilin nga neutral ukon apolitical kag likawan nga makiusisa sa pulitika.
-- ADVERTISEMENT --
