-- ADVERTISEMENT --
Ginpahayag ni Philippine National Police (PNP) PIO Chief kag Spokesperson PBGen. Jean Fajardo, nga naghatag na sang direktiba si PNP Chief Police Gen. Rommel Francisco Marbil nga preparahan ang posible nga epekto sang bagyong Marce.
Sa pulong balitaan sa Camp Crame, ginsiling ni PBGen. Fajardo, nga padayon ang koordinasyon sang pambansang pulisya sa mga Local Goverment Units partikular na sa mga lugar nga ginalauman nga iguon sang bagyo.
Nakahanda naman sa karon ang pwersa sang PNP kun magka-preemptive evacuation.
Samtang, nag-apelar naman ang PNP sa publiko nga nagatinir sa mga lugar nga ginabaha kag may posibilidad nga pagbaha nga paghandaan na ang pag-evacuate.
