Ginsabat sang Philippine National Police ang mga pahayag ni Sen.Imee Marcos, nga ginaalegar mahimo nga pasakaan sang kaso si PNP Chief PGen. Rommel Francisco Marbil kag bisan ang Criminal Investigation and Detection Group (CIDG) Chief MGen. Nicolas Torre III nga may kaangtanan sa pagdakop kay anay presidente Rodrigo Roa Duterte nga gina-istoryahan subong sang Senate Committee on Foreign Relations.
Sa isa ka press conference, gin-anunsyo ni PRO III kag PNP Spokesperson PBGen. Jean Fajardo nga handa ang mga hepe nga atubangon ang ano man nga kaso criminal kag administrative cases nga posible ipasaka ni Sen.Marcos batok sa ila sa ano man nga nagakaigo nga forum.
Kasunod sini, liwat nga ginhatagan pagtamod ni Fajardo nga ang ginhimo lamang nga papel sang PNP sa pagdakop sa anay presidente amo ang paghatag sang bulig sa Philippine Center on Transnational Crime (PCTC) para sa implementasyon sang red fusion notice para kay anay presidente Duterte.
Suno kay Fajardo, nagapati ang mga hepe nga nabasehan kag nagasanto sa kasuguan ang ila ginhimo sa suspension sang anay opisyal kag subject sa gihapon sa ila sworn mandate bilang kabahin sang organisasyon sang PNP.
Samtang, madumduman nga una na nga ginpahayag ni Senador Marcos nga posible politically motivated kag politically inclined ang pagdakop sa anay presidente.
Sa karon, gina-istoryahan sang komitiba ang aksyon sang PNP kag CIDG sa proseso sang pagdakop sa anay opisyal kag kun nag-agi ang mga ini sa insakto kag legal nga proseso.
