PNP handa na sa May 13 midterm election

ROXAS CITY – Handa na ang mga katapo sang Philippine National Police (PNP) sa siyudad sang Roxas kag probinsya sang Capiz para sa nagahilapit nga May 13 midterm election.

Nahibaluan nga may yara sang duha ka mga PNP personnel ang iga-deploy sa tagsa ka mga polling precincts sa probinsya sa sulod sang 24 oras tobtob sa Mayo 15.

May yara man sang mga miyembro sang government organization nga magabulig kag magasuporta sa PNP sa adlaw sang eleksyon.

Samtang nagpanugyan ang PNP sa publiko nga likawan ang pagbakal ukon pagbaligya sang boto, pagpadulong sa mga polling precincts nga hubog kag pagdala sang mga matalom nga hinganiban.

Ini agud mangin matalunsay kag malinong ang patigayunon nga piniliay.