Nagsumite na sang listahan sang ‘Potential Election Areas of Concern’ ang Philippine National Police (PNP) sa Commission on Elections (COMELEC).
Suno kay PNP Spokesperson Police Colonel Jean Fajardo, ang ginsumite nila nga listahan ang nakadepende sa Comelec bangud magapa-idalum pa ini sa validation sang joint security council.
Dugang pa ni Fajardo, may yara sila sang apat ka kategorya para sa mga validated election-related incidents kun sa diin mahimo nga maihanay sa ‘yellow category’.
Ginpahayag pa ni Fajardo ang nangin parameters sang PNP para malakip ang isa ka lugar bilang potential election areas of concern amo ang mataas nga kaso sang intense political rivalry kag ang presensya sang mga private armed groups.
Samtang, suno sa Commission on Elections (Comelec) magapa-idalum pa sa validations ang nasambit nga listahan sang PNP.
Sa karun wala pa nakita sang Poll body nga gindeklara sang ‘areas of concern’ ang mga nasambit nga lugar para sa nagahilapit nga 2025 midterm elections.
