PNP, plano nga ipatuman ang ‘lifetime’ ban sa sin-o man nga maglapas sa election gun ban

Luyag sang Philippine National Police (PNP) nga ipatuman ang lifetime ban sa pagbakal sang armas sa sin-o man nga maglapas sa election gun ban.

Ginpahayag ni PNP chief General Rommel Marbil nga ila ini irefer sa mga mamalidha para sa mga nagalapas sa gun ban sang Commission on Elections (COMELEC).

Ang nasambit nga proposal ang kasunod sang pagpangluthang sa tatlo ka tawo bangud sa traffic dispute nga nagluntad sa syudad sang Antipolo.

Sang Enero 12, gin-umpisahan sang PNP ang pagpatuman sang nationwide gun ban para sa Mayo 12, lokal kag nasyonal nga eleksyon.

Tinutuyo sang gun ban nga mapasiguro ang kalinong kag mabuhinan ang kalakasan sa palaabuton nga eleksyon.