MANILA, Philippines – Nagbitiw sa iya posisyon ang acting chief sang Highway Patrol Group (HPG), sang Philippine National Police matapos gin-akusaran sang isa ka subordinate sang sexual harassment.
Ang nasambit nga opisyal nga si Jessie Tamayao ginpanginwala ang alegasyon kag ginlaragway ini bilang personal nga vendetta batok sa iya.
Suno sa reklamo nga ginpasaka sa National Police Commission (Napolcom), gin-akusaran si Tamayao sang paglapas sa Republic Act No. 7877 kag Republic Act No. 10173.
Gin-angkon sang complainant nga gin-imbitar siya sang opisyal sa sekswal nga aktibidad paagi sa pagpamahog kag gin-access man ang iya cellphone nga wala sang iya pagtugot.
Sa pihak nga bahin, ginpahayag ni Tamayao nga handa siya magkooperar sa imbestigasyon agud mapatin-aw ang kamatuoran kag ginpangabay nga respetuhon ang iya katungod nga ginakabig nga inosente tubtob mapamatud-an ang sala.
