Nagpakigbahin sang accomplishment report ang Ivisan Municipal Police Station para sa mga bulan sang Mayo kag Hunyo bilang kabahin sang padayon nga kampanya para mapabilin ang kalinong kag katawhay sa banwa sang Ivisan, Capiz.
Sa interview sang Bombo Radyo kay PCPT Rile F. Villariez Jr., Officer-in-charge sang Ivisan Municipal Police Station, iya ginpahayag nga nakarekord ang kapulisan sang kabug-usan nga 34 ka kaso sang nagkalain-lain nga iligal nga aktibidad sa nasambit nga mga bulan.
Lakip sa mga naresolbar kag natapna nga kaso amo ang mga wanted persons, illegal fishing, loose firearms, abandoned lumber, theft, kag mga surrendered illicit cigarettes.
Ginhugtan man sang kapulisan nga ang padayon nga police visibility kag regular nga patrolya daku ang kontribusyon sa pagpugong sang kriminalidad kag pagpasanyog sang seguridad sa komunidad.
Nagapanawagan ang ang natungdan sang suporta sang publiko agud mapadayon ang hugot nga pagbantay kontra iligal nga aktibidad kag mapabilin ang kalinong sa banwa sang Ivisan.
