Nagtaliwan na si Pope Francis subong nga adlaw sang Lunes, April 21, 2025 sa edad nga 88-anyos samtang siya ang yara sa Vatican’s Casa Santa Marta.
Si Pope Francis, ang ginbun-ag bilang Jorge Mario Bergoglio sadtong Disyembre 17, 1936 sa Buenos Aires, Argentina, ang bata sang mga imigrante nga Italyano.
Bag-o siya nagsulod sa seminaryo, nag-eskwela siya bilang chemical technician kag nagtrabaho sa industriya sang pagkaon.
Sa edad nga 21, nag-angkon siya sang sakit nga pneumonia nga nagresulta sa pagkakuha sang natuo nga bahin sang iya nga baga.
Sadtong 1958, nag-intra siya sa Jesuit novitiate kag nag-eskwela sang humanities sa Santiago, Chile.
Siya ang nangin pari sadtong Disyembre 13, 1969, kag sadtong 1973, ginhimo niya ang iya nga perpetual vows sa Society of Jesus.
Siya man ang nangin Jesuit provincial sang Argentina sumugod 1973 tubtob 1979.
Bilang Archbishop sang Buenos Aires sadtong 1998, kilala siya sa iya nga simple nga pangabuhi, naga-istar siya sa isa ka gamay nga apartment kag nagagamit sang pampubliko nga transportasyon.
Siya ang nangin Cardinal sadtong 2001 sa idalum ni Pope John Paul II. Sadtong Marso 13, 2013, siya ang napili bilang Santo Papa, ang una nga Jesuit Pope, ang una nga nagikan sa Latin America, kag una nga indi Europeo sa sulod sang kapin 1,000 ka tuig.
Ang iya nga pagpamuno ang nakatuon sa mga isyu nga kasubong sang pagbag-o sang klima, pagkapareho sang manggad, kag pagbulig sa mga marginalized nga sektor sang sosiyudad.
