Pagkatapos sang madinalag-on kag makasaysayan nga Conclave, nagkit-anay liwat sanday Pope Leo XIV kag Cardinal Luis Antonio Tagle sa Vatican.
Pribado ang pagkitaay sang duha suno kay Cardinal Tagle.
Suno sa iya, ginakabig niya nga “missionary shepherd” si Pope Leo XIV bangud sang iya madalom nga pagtuo kag wala nagabag-o nga misyon sa Simbahan Katoliko.
Ginpaambit man ni Cardinal Tagle sa isa ka interbyu ang espirituhanon nga eksperyensya sang makasaysayan nga Conclave.
Suno sa iya, madasig nga ginpili sang mga Cardinal ang bag-o nga Papa sa persona ni Cardinal Robert Francis Prevost, nga yara sa tupad gid ni Cardinal Tagle sa Sistine Chapel.
Ginpaambit man sini ang simple nga kabuhi ni Pope Leo XIV, sa diin may yara sia sang pagkamapainubuson.
Ginpahayag man sini nga madalom ang pagtuo ni Pope Leo XIV, samtang nagalaum naman si Cardinal Tagle nga padayunon sang bag-o nga Santo Papa ang gin-umpisahan sang nagtaliwan nga si Pope Francis.
