Liwat nga nagpanawagan si Pope Leo XIV para sa gilayon nga ceasefire sa tunga sang kinagamo sa Middle East.
Sa iya nga Angelus prayer sa St. Peter’s Square, hugot niya nga ginsiling ang tuman nga pag-antos kag kamatayon nga tuga sang kinagamo, nga gintawag niya nga “eskandalo para sa bilog nga katilingban.”
Hugot nga ginsiling sang Santo Papa nga indi dapat magpaukoy ang kalibutan sa pag-antos sang mga inosente nga biktima kag ginganyat ang padayon nga pagpangamuyo para sa kalinong. Suno sa iya, ang sakit sang tagsa ka biktima, sakit man sang bilog nga katilingban.
Ginsiling man ni Pope Leo nga nagakabalaka niya nga ginasubaybayan ang ikaapat nga semana sang kinagamo sang Estados Unidos kag Israel batok sa Iran, subong man ang iban pa nga lugar nga apektado sang gyera.
