Gin-anunsyo sang San Antonio Spurs ang pag-resign sang ila beterano nga coach nga si Gregg Popovich.
Ginpahayag sang team nga ang 76-anyos nga coach ang mangin presidente sang team sa basketball operations.
Sa amo man nga tion, gin-anunsyo sang Spurs ang ila bag-o nga coach sa persona ni Mitch Johnson.
Suno kay Poppovich, apisar sang iya hilig sa paghampang, nagdesisyon siya nga maghalin sa pwesto.
Sadtong Nobyembre sang nagligad nga tuig, naka-eksperyensiya sang sakit nga stroke kag wala na makabalik sa mga hampang sang Spurs.
Ginpasalamatan niya ang mga humalampang, mga opisyal, kag mga fans sang Spurs sa ila wala untat nga suporta.
Si Poppovich isa s a tatlo ka beses nga NBA coach of the year nga nagpanguna sa Spurs sa lima ka kampeonato kag nag-coach man sa USA Basketball sa isa ka bulawan nga medalya sa 2020 Tokyo Olympics.
Ginsulod sia sa Basketball Hall of Fame bilang isa ka coach sang 2023.
Sang 1988, si Poppovich nangin una nga assistant coach sang Spurs sa sulod sang apat ka season kag nagsaylo nga mangin assistant coach para sa Golden State Warriors sa sulod sang duha ka season.
Sang 1994, si Poppovich nagbalik sa Spurs bilang heneral nga manedyer kag bise presidente sang mga operasyon sa basketball.
Sang 1996-97, ginbuslan niya si Bob Hill bilang head coach, nga nagapanguna sa ginakabig sadto nga pinakamadinalag-on nga Spurs team sa NBA.
