-- ADVERTISEMENT --
Gin-lift na sang Department of Agriculture (DA) ang temporary ban sa domestic kag wild pigs halin sa Czech Republic kag ang ila nga mga produkto.
Ang ban, nga ginpatuman sadtong 2022 bangud sa African swine fever (ASF), ang gin-lift na matapos nga ginkumpirma sang Czech veterinary authorities sa World Organization for Animal Health (WOAH) nga nasolbar na ang outbreak kag wala na sang bag-o nga kaso.
Suno sa DA, manubo na ang peligro sang kontaminasyon sa mga baboy kag produkto sini halin sa Czech Republic, rason nga mahimo na nga padayunon ang pag-import. Ang nasambit nga mando mangin epektibo 15 ka-adlaw matapos nga mapakigbahin sa website sang DA kag sa National Administrative Register sang UP Law Center.
