ROXAS CITY, CAPIZ- Dako ang posibilidad nga magluntad ang linog sa Panay Island bangud sa presensya sang aktibo nga West Panay Fault nga nahamtang sa mga probinsya sang Aklan, Antique, Iloilo kag Capiz.
Sa interview sang Bombo Radyo kay Engr. Reynaldo Antioquia, Science Reasearch Analyst sang Philippine Institute of Volcanology ang Seismology (PHIVOLCS) Capiz, iya ginpahayag nga isa sa mga lugar nga posible maapektuhan amo ang Capiz, sa diin suno sa iya padayon ang ginahimo nga Information Education Campaign (IEC) sang ahensya agud mahatagan sang husto nga ihbalo ang mga pumuluyo sa mga dapat himuon antes, samtang, kag pagkatapos sang linog.
Suno kay Antioquia, ang linog isa ka natural nga kalamidad nga indi ma-predict ukon indi mabal-an kun san-o kag sa diin ini magaluntad. Gani importante ang kahandaan kag ihibalo sang publiko agud malikawan ang dako kag malapad nga halit kag kabudlay sa tion sang emerhensya.
Matandaan nga sang damlag lang, nabatyagan sa Roxas City kag iban pa nga bahin sang Capiz ang mabaskog nga linog nga may magnitude 6.9 nga nagluntad sa Cebu, nga nagresulta sang kamatayon sang 72 ka tawo.
Dugang pa sang natungdan, nagapadayon sa pagmonitor ang Philippine Institute of Volcanology ang Seismology (PHIVOLCS) kag pagpaandam sa publiko, kag ginaabisuhan ang tanan nga magkooperar sa mga aktibidad nga nagatuyo magpabakod sang kahandaan sa tunga sang mga posible nga kalamidad.
Interviewed by Bombo Sunnie Mae Constantino Batencila
