Dako ang pagpati sang Parish Pastoral Council for Responsible Voting (PPCRV) nga indi maka-apekto sa integridad sang eleksyon ang mga ginahaboy nga akusasyon batuk sa mga opisyal sang poll body.
Suno kay PPCRV National Coordinator Dr. Arwin Serrano ginsiling sini nga madamo na nga beses nila nabatian ang eksplenasyon sang mga opisyal sang komisyon rason nga nagapabilin ang ila pagsalig sa nasambit nga talatapan.
Pahayag pa ni Serrano nga madamo na nga oras ang nausik sa pagsabat sa mga batikos.
Na-obserbahan man nila suno diri ang mga pagtimakas sang poll officials nga maprotektahan ang institusyon, rason nga bilang citizen’s arm, himuon nila ang tanan agud masiguro nga malimpyo ang 2025 Midterm Elections.
Sa karun, nagakuha sila sang dugang nga mga volunteers agud makaupod sa pag-alalay sa mga botante tubtob sa mga malayo nga lugar.
