Ginklaro ni Presidente Ferdinand Marcos Jr. nga wala sang paglapas nga natabo kag legal ang pag-aresto kag pag-turnover sa International Criminal Court (ICC) batuk kay anay Presidente Rodrigo Duterte.
Suno sa Presidente nga ginsunod lamang nila ang insakto kag legal nga proseso sa pagserbe sang warrant mangin ang pagbasa sa iya nga kinamatarung.
Pahayag pa sang presidente nga nakigbuligay lamang ang Pilipinas sa International Criminal Police Organization) Interpol kag indi ang ICC.
Nagpamalibad naman ang presidente nga isa ka pamulitika ang nasambit nga pag-aresto sa anay Presidente kun sa diin ginpahayag niya nga ang kaso ang sadto pang 2017 bag-o mangin presidente si Marcos.
Suno pa sa iya indi niya masisi ang mga tawo kun ginakonekta nila sa pamulitika ang insidente apang ang mahambal niya na lamang nga ini ang ginpatumad lamang sang gobyerno ang layi.
