MANILA, Philippines – Paga-abi-abihon ni President Ferdinand Marcos Jr., ang presidente sang Paraguay nga si Santiago Peña Palacios sa Mayo 11, 2026 sa Pilipinas.
Suno sa Presidential Communications Office “PCO”, ginapaabot nga pagaestoryahan sang duha ka lider ang mga tikang sa pagpabakod sang kooperasyon kag mangin mauswag ang ila pungsod.
Sa pag-abot ni Paraguay President Peña, pagahatagan ini sang opisyal nga pagpasidungog sa Malacañang Palace kun sa diin ang bilateral meeting masaysay agud masiguro ang strategic partnership.
Pahayag sang PCO, nga pareho ang ginapatihan sang Paraguay kag Pilipinas nahanungod sa demokrasya, rule of law kag international nga kooperasyon.
Dugang pa sini, ginpakita sang pagbisita ang padayon nga pagpaninguha sang Pilipinas nga mapalapad ang relasyon sini sa pungsod sang Latin America kag madugangan ang economic partnerships.
Nahibaluan nga sadtu pa na establisyar ang diplomatic relations sang Pilipinas kag Paraguay sang Disyembre 12, 1962.
