MANILA, Philippines – Magapadayon sa pagpanagtag sang libre nga bugas ang admistrasyon ni President Ferdinand Mrcos Jr., sa mga kubos nga pamilya kun sa diin target ang 8 million ka panimalay nga makabaton sang ayuda.
Ang nga direktiba suno kay Executive Secretary Ralph Recto, kabahin ini sang Bagong Pilipinas Rice Program nga ginpatuman suno sa ni Pres. Marcos Jr., agud masiguro nga wala sang pamilya nga Pilipino ang magutuman.
Sa idalom sang programa, halos 8 million ka kubos nga pamilya ang makabaton sang 10 ka kilo nga libreng bugas kada duha ka bulan.
Nanguna personal si Executive Sec. Recto sa pagpanagtag sang bugas sa yara sa 120.000 ka pamilya sa Cebu bilang kabahin sang programa nga makabaton.
Pahayag niya, indi lamang ang mga benepisyaryo ang makabenepisyo sa programa bangud makabulig man ini sa mga lokal nga mangunguma, tungod nga sa ila mismo magakuha sang bugas ang gobyerno.
Lakip man sang pagbisita ni Executive Sec. Recto sa Cebu sanday Secretary Philip Lo sang Office of the Presidential Assistant for the Visayas “OPAV”, kag Cebu Governor Pamela Baricuatro, upod ang iban pa nga local chief executives sa probinsya.
Ginasuportahan ang programa sang P57.87 billion nga Local Government Support Fund “LGSF”, sini nga tuig, nga amo ang pinakadaku nga alokasyon sang LGSF sa karon.
Ginagamit man sang LGSF bilang pagsuporta ang mga proyekto pareho sang dalanon kag farm-to-market roads, water systems, health facilities kag multipurpose buildings nga mahimo man gamiton bilang evacuation centers kon may kalamidad.
Ginaengganyo naman ni Executive Sec. Recto ang mga local government units nga makompleto gilayon ang ila kinahanglanon pinaagi sa Ugnayang Bayan portal agud mapadasig ang pag-release sang pondo para sa ila mga proyekto.
Samtang, ginaduso nman sang administrasyon ang mas mataas pa nga P58.32 billion nga LGSF para sa 2027 National Expenditure Program ukon NEP, nahibaluan nga mataas ini sa P57.88 bilyon nga LGSF sa 2026 national budget kag doble kumpara sa P23 billion nga alokasyon sang 2025.
Bilang pahanumdom nagpaandam naman si anay Finance Undersecretary Cielo Magno nga kinahanglan may klaro nga mga patakaran sa pag-alokar sang LGSF agud malikawan nga magamit ini bilang instrumento sang political patronage sa palaabuton nga 2028 presidential elections.
