KAZAN, Russia – Nag-attend si President Ferdinand Marcos Jr., sa Association of Southeast Asian Nations “ASEAN”, Russia Commemorative Summit sa Kazan, Russia kaupod si President Vladimir Putin bilang kabahin sang pagmarka sang 50 ka tuig sang diplomatiko nga relasyon sang Pilipinas kag sang Russian Federation.
Sa iya pagbukas nga pahayag, ginhatagan pagtamod ni President Putin ang madugay na nga pag-abyanay kag pagrespeto sa isa kag isa nga naghatag sang kahulugan sa relasyon sang Pilipinas-Russia kag ginpadaku ang mga oportunidad sa dugang nga pagpasangkad sang kooperasyon sa komersyo, agrikultura kag enerhiya.
Ginhatagan niya sing importansya ang kinahanglanon nga pabaskugon ang nagaluntad nga mga mekanismo, lakip ang Joint Russia-Philippine Commission on Trade and Economic Cooperation, agud mapauswag ang gin-ambit nga mga interest sa ekonomiya.
Sa iya bahin, liwat nga ginpamatud-an ni President Marcos Jr., ang balor sang tayuyon nga paghambalanay sa pulitika kag nagpabutyag sang pagkamalaumon sa pagpasangkad sang bilateral nga kooperasyon, partikular sa enerhiya kag seguridad sa pagkaon.
Bilang Chair sang ASEAN sang 2026, gin-agda niya si President Putin nga magtambong sa ika-21 nga East Asia Summit sa Manila, nga nagapadaku sang papel sang forum sa pagpasangkad sang isa ka malig-on, luwas kag mainuswagon nga rehiyon.
