MANILA, Philippines – Ginpaguwa sang Presidential Communications Office “PCO”, ang isa ka video nga nagapakita kay President Ferdinand Marcos Jr., nga nagakanta upod sa mga opisyal sang Pilipinas kag Japan sa tion sang iya state visit sa Tokyo.
Ang video ginbahin sang Domingo pagkatapos natapos sang Presidente ang iya apat ka adlaw nga opisyal nga pagbisita sa Japan. Lakip sa mga nakita nga nag-upod kanta sa Presidente amo si Japanese Prime Minister Sanae Takaichi sa isa ka panihapon nga kabahin sang state visit.
Samtang sa amo nga pagbisita, nagkasugtan ang Pilipinas kag Japan nga sugdan ang negosasyon may kaangtanan sa pagbinahin sang classified information, pagtalana sang maritime boundaries sang duha ka pungsod, kag posible nga pagbalhin sang Abukuma-class destroyers sa Pilipinas.
Ginpasaka man sang duha ka nation ang ila relasyon sa lebel sang “Comprehensive Strategic Partnership”, bangud sang nagataas nga tensyon sa East kag South China Seas.
Nag-abot si President Marcos Jr., sa Tokyo sang Mayo 26 kaupod sa First Lady Liza Araneta-Marcos para sa state visit nga nagtumong sa pagpalig-on sang bilateral nga relasyon sang Pilipinas kag Japan.
Sa pihak nga bahin, nakasiguro man ang Presidente sang mga kasugtanan sa maritime security kag taxation, kalakip ang kapin sa P260 billion nga investment pledges gikan sa mga Japanese firms nga makabulig sa ekonomiya sang pungsod.
