Nagapati si Pangulong Ferdinand Marcos Jr. nga sarang mangin madinalag-on sang tanan nga mga atleta nga Pilipino nga magapakigbahin sa Paris Olympics.
Sa ginpatigayon nga send-off ceremony sang mga atleta, ginsiling sini nga subong pa lamang masadya na ang pungsod bangud may magatindog sang hayahay sang Pilipinas.
Suno pa kay PBBM, may dako nga programa ang gobyerno para sa mga atleta agud mangin madinalag-on ang mga ini sa international competitions kaangay sang Olympics.
Mahibaluan nga magapadulong na sa Metz, France ang mga atleta, 35 diyas antes ang pormal nga pagsugod sang Olympics.
Magahanas ang mga ini pila ka semana sa lugar agud makabisado ang klima sang nasambit nga pungsod.
Matandaan nga yara na sa 15 nga mga atleta ang napadala sang pungsod kung sa diin ini ang ginkalakipan nanday EJ Obiena sa atletics, boxer Eumir Marcial, Aleah Finegan, Levi Ruivivar, kag Emma Malabuyo sa gymnastics, Samantha Catantan sa fencing, Vanessa Sarno, Elreen Ando, John Ceniza sa weightlifting, Hergie Bacyadan kag Aira Villegas sa boxing, Joanie Delgaco sang rowing kag Carlos Yulo.
