CAPIZ – Posible tambongan ni President Ferdinand Marcos Jr. ang grand mass oath-taking ceremony sa probinsya sang Capiz para sa linibo nga mga newly promoted teachers kag school heads sa Western Visayas.
Humalin sang tinalikdan nga mga binulan, gina-updan sang Presidente ang mass oath-taking ceremony sa nagkalain-lain nga lugar sa Pilipinas kag ginapaabot nga makadto man ini sa Capiz.
Subong, nagahanda na ang Provincial Government sang Capiz sa amo nga kahiwatan nga hiwaton sa Villareal Stadium sa Roxas City sa Abril 19, 2026.
Sang Marso 12, nagkitaay sanday Governor Fredenil Castro kag Dr. Roel Bermejo, Schools Division Superintendent sang Department of Education-Capiz kag gindiskusyonan ang preparasyon para sa amo nga event.
Ginalauman nga magatipon ang ginabanta 8,829 participants sa amo nga mass oath-taking.
Ang mga attendees ang ginalakipan sang mga newly promoted educators halin sa nagkalain-lain nga Division Offices (SDO) sa Capiz, Aklan, Antique, Guimaras, Iloilo, Iloilo City, Passi City kag Roxas City.
