President Roxas, naka-rekord sang panibag-o nga kaso sang COVID-19

ROXAS CITY – Nakapagkit sang panibag-o nga isa ka kaso sang coronavirus disease (COVID-19) ang banwa sang President Roxas, Capiz.

Ini ang ginkompirmar mismo ni Mayor Receliste ‘Tanoy’ Escolin sang mainterview sang Bombo Radyo.

Ginklaro ni Escolin nga wala nakaguwa kag nakalagaw ang amo nga pasyente bangud naka-facility quarantine ini.

Nahibaluan nga ang nasambit nga pasyente ang isa ka 33 anyos nga babaye nga isa ka locally-stranded individual (LSI) kag residente sang Barangay Goce, sang amo nga banwa.

Ginapahayag nga nagikan sa Pasig City ang nasambit nga LSI.

Nahibaluan dugang nga ‘asymptomatic’ ukon wala nakitaan sang anuman nga sintomas sang nasambit nga balatian ang amo nga persona.