Gin panindugan sang Bise-Alkalde sang President Roxas,Capiz nga pagahulaton sini ang ginapangayo nga attachment ukon dokumento antes paga-aprubahan ang re-alignment of funds nga gina request ni President Roxas Mayor Receliste Tanoy Escolin.
Sa exclusive interview sang Bombo Radyo kay Vice Mayor Edvil John Alfaro, bilang Presiding Officer, ginatuman lang sini ang responsibilidad kag katuyuan nga tun-an kun diin magakadto ang kwarta ukon budget nga pagagamiton sa re-alignment.
Mahibaluan nga nag-ugat ang ini nga isyu sang Martes nga adlaw, sa ginpatigayon nga session sang Sangguniang Bayan sa amo nga banwa, kun sa diin nagpapanaug ang Municipal Development Council sang request for re-allignment of funds nga 2M pesos para sa Salintubig Program budget sa President Roxas Public Market.
Apang wala gin-aprubahan ang request nga resolusyon ni Escolin bangud nga wala ini sang may naipakita nga dokumento nga mangin transparent sa gasto.
Suno diri nga indi tanan nga request sa Sangguniang Bayan Council ang iga approved lang insigida, kinahanglan diri ang maid-id nga pagtu-on kag pagtipon sang mga nagakaigo nga dokumento bilang suporta sa nasambit nga request.
Dugang pa ni Alfaro nga kun may sobra nga budget sa Salintubig Program dira kag kuhaon ang para sa konstruksyon sang Public Market.
Ginklaro man sang bise alkalde nga wala ini nagapamatok sa request sang alkalde kag wala sang kamatuoran ang naga agaw nga ekspekulasyon nga magapadalagan ini bilang alkalde kag magakontra kay Escolin, apang suno diri nga magaseparar ini sa grupo sang incumbent Mayor.
Iya gin pabutyag nga wala sang rason nga mag lain ang iya buot kay Escolin bangud halin sang una nya nga pagpadalagan, apin gid ini sila.
Wala naman ginasapak pa ni Alfaro ang pag live ni Receliste sa iya Facebook account kay suno diri nga wala nagasalanto ang ginapanghambal sini sa live sa gusto lang kuntani nga hinyo sang Sangguniang Bayan nga magpasa sang attachment.
Sa karun, luyag lamang sang Bise Alkalde nga makita ang pila ka mga clearances ukon dokyumento kag ang MOA sang LGU, antes ini magpasugot sa pag-apruba sang re-alignment of funds sang Salintubig program para sa Public Market.
