ROXAS CITY – Ginkompirmar sang presidente sang Bar Owners Association of Capiz kag alkalde sang Pres. Roxas nga istrikto nga ginapaiway ang pag-operate sang mga beer houses kag KTV Bar sa probinsya sang Capiz.
Sa interview sang Bombo Radyo kay Mayor Receliste “Tanoy” Escolin ginpahayag sini nga temporaryo anay nga ginapasarado kag wala anay ginapahanugotan nga maka-operate subong ang mga KTV Bar kag Beer Houses.
Ini bilang pagsunod sa ginpapanaog nga guidelines sang National Inter-Agency Task Force ukon NIATF subong nga COVID-19 Pandemic.
Suno kay Escolin nga may yara sang nagakaigo nga mga penalidad ang sin-o man nga maglapas sa nasambit nga pagsulundan.
Ginpahayag man sini nga bilang presidente sang nasambit nga asosayon nakapatigayon naman sila sang sinapol kaupod man ang pila ka mga tag-iya sang mga KTV Bar natuhoy diri.
