ROXAS CITY – Ginpahanumdom sang isa ka “Youth Leader” ukon presidente sang Future Leaders of the Philippines (FLP-Capsu Pontevedra Chapter) sa Bombo Radyo ang importansya sa pagsaulog sang nagahilapit nga paskwa sa Disyembre 25 sini nga tuig.
Ini ang ginpahayag ni John Rey Delos Santos sang mainterview sa Good Morning Philippines Program.
Suno kay Delos Santos nga ang pagselebrar sang paskwa ang kinaandan na sang kadam-an ilabi na sa mga Pinoy.
Ginpahayag sini nga bisan wala handa sa paskwa importante sa gihapon ang pagpalanggaanay sa isa kag isa.
Dugang pa ni Delos Santos nga ang pagsaulog sang paskwa ang wala nagadepende sa kun anuman kadamo sang handa sa lamesa bangud importante suno sa iya nga ululupod ang bilog nga pamilya.
Magluwas pa diri, ang pagselebrar sang paskwa naka-sentro sa pagkatawo ni Ginuong Hesukristo indi sa kadamuon sang preparasyon.
Dugang pa sini importante ang pagbuliganay sa isa ka isa ilabi na sa mga naapektuhan subong nga pandemya rason nga nagpatigayon man sang donation drive ang ila nga organisyon sa pagbulig sa mga nagakinahanglan.
Mahibaluan nga tuman na kalayo ang pagselebrar sang paskwa subong nga pandemya kun ikumparar sang tinalikdan nga mga tinuig bangud sa COVID-19 Pandemic.
Wala man sini nalikawan nga ikumparar ang essence sang christmas kun ikumparar sang tinalikdan nga tuig.
Apang nagalaom naman ini nga sa masunod nga tuig magabalik na sa normal ang tanan.
Samtang, nagapasalamat naman ini sa mga tawo nga nagabulig sa ila organisasyon agud nga mapalab-ot ang ila bulig sa mga naapektuhan sang bagyong Ursula kag Rolly.
