Nagpanguna si Presidential son kag Ilocos Norte Representative Sandro Marcos sa 215 nga mga kongresista nga nag-impeach kay Vice President Sara Duterte.
Si Congressman Sandro ang pinaka-una nga nagpirma sa mga mamalidha nga nag-endorso sa ika-apat nga impeachment complaint batuk sa bise presidente.
Apisar una na nga ginpahayag sang iya amay nga si Pangulong Ferdinand Marcos Jr. nga nagapamalabag ini sa impeachment batuk kay VP Sara.
Samtang si Speaker Ferdinand Martin Romualdez naman ang ika-215 ukon katapusan nga nagpirma sa impeachement complaint.
1/3 ukon 102 lamang sang 306 nga mga kongresista ang kinahanglan agud madali nga maaprubahan ang impeachment complaint kag mapadala sa Senado.
Kalakip sa mga kongresista nga mangin bahin sang prosecution team para sa impeachment trial sa Senado batuk kay VP Sara amu sanday:
– Rep. Gerville Luistro
– Rep. Romeo Acop
– Rep. Rodge Gutierrez
– Rep. Joel Chua
– Rep. Raul Angelo Bongalon
– Rep. Loreto Acharon
– Rep. Marcelino Libanan
– Rep. Arnan Panaligan
– Rep. Isabel Maria Zamora
– Rep. Lawrence Defensor
– Rep. Jonathan Keith Flores
Kadungan sini, nagpatigayon naman sang hublag protesta ang pila ka mga progresibo nga grupo sa guha sang Kamara kadungan sang pag-endorso sa impeachment complaint batuk kay Vice Pres. Sara Duterte.
Samtang, nagapati naman si Iloilo 1st District Rep. Janette Garin nga “nakuryente,” ukon nakabaton sang sala nga impormasyon, si Davao City 1st District Rep. Paulo Duterte angut sa alegasyon nga ginpangunahan sini ang pagpangolekta sang pirma para sa impeachment sang Vice President.
Sa pahayag ni Rep. Duterte, ang utod sang bise presidente, ginbatikos sini si Garin kag iban pa nga kaangay mamalidha bangud sa ginapahayag pagsako sa pagpangolekta sang pirma para sa pag-endorso sang impeachment sa Kamara
Samtang, hugot naman nga nagpanawagan ang anay Senador nga si Leila de Lima nga mangin aligmat kag bantayan ang
proseso sang impeachment btuk kay Vice Pres. Sara Duterte.
Suno kay de Lima, isa ka pagpanghangkat sa mga tiglawas sa Kongreso nga pamatud-an kung masarangan nila nga ipaiway ang personal kag pampulitika nga interes agud ipakigbato ang instakto.
