Nagnubo ang presyo sang pila ka mga school supplies, sa diin naglab-ot sa P1 tubtub P10 ang pagbuhin sa presyo suno sa Department of Trade and Industry (DTI).
Sa iya 2025 nga “Buying Guide for School Supplies,” ang DTI nagsiling nga 29 ka stock keeping units (SKUs) ang nakakita sang ila mga presyo nga nagnubo, samtang 101 ka mga butang ang nagpabilin sang ila mga presyo gikan sa nagligad nga tuig.
Ang mga Stock Keepin Units ginagamit sa pagkilala kag pag-categorize sang partikular nga mga imbentaryo suno sa tatak, sahi sang produkto, kag kabug-aton.
Kalakip sa mga nagnubo ang presyo amo ang mga notebook, pad paper kag lapis.
Apat ka notebook Stock Keeping Units ang nagnubo sa presyo sang P5 tubtub P10, ukon 20 porsyento tubtub 37 porsyento.
Beinte-kwatro naman ka Stock Keeping Units sang pad paper ang nagnubo sang P1 tubtub P6, ukon 3 tubtub 26 porsyento.
Ang isa ka pencil Stock Keeping Units nagnubo ang presyo sa P5, ukon 25 porsyento halin sang nagligad nga tuig. Ang price guide sang DTI para sa mga gamit sa eskwelahan nagasakop sang 195 ka mga Stock Keeping Units sa 12 ka mga kategorya sang produkto. Subong nga tuig, 48 ka bag-o nga mga butang ang nadugang sa listahan
